Venesıa bıligi bir kúnge keletin týrıser úshin tarıhı bólikke kirý aqysyn aıtarlyqtaı kóterýdi qarastyryp jatyr. 2027 jyldan bastap «kirý bıletiniń» baǵasy qazirgi 5–10 eýrodan (2,5–5 myń teńge) 30–50 eýroǵa (15–25 myń teńge) deıin ósýi múmkin, dep habarlaıdy infohub.kz saıty.
Bul bastamany qala ákimdiginiń búdjet jónindegi keńesshisi Mıkele Zýın usyndy. Gazzettino basylymyna bergen suhbatynda ol sharanyń negizgi maqsaty — qalaǵa az ýaqytqa kelip, ınfraqurylymǵa shamadan tys salmaq salatyn «bir kúndik týrıser» aǵynyn shekteý ekenin túsindirdi.
«Úkimetten kirý aqysyn joǵarylatýdy suraý — paıda tabý úshin emes. Másele mynada: qazirgi 5–10 eýrony kez kelgen adam tóleı alady. Bul shara beretin tejeýshi áserdiń joǵalý qaýpi bar», — dep keltiredi Zýınniń sózin Il Fatto Quotidiano.
Eksperımenttik kezeń aıaqtalǵan soń, tólem júıesi 2027 jyly turaqty sıpatqa ıe bolady. Bılik tek baǵany qaıta qaraýdy ǵana emes, kirý aqysy tólenetin kúnder kúntizbesin de keńeıtýdi josparlap otyr.
Zýın týrıser úshin qalaǵa «kirýdiń» túpkilikti baǵasy ortalyq úkimetpen kelisilýi tıis ekenin atap ótti.