Vengrıadaǵy M3 tasjolynda polák avtobýsynyń qatysýymen bolǵan jol apaty adam ólimine ákeldi. Apat saldarynan 12 adam qaza tapty, dep habarlaıdy infohub.kz.
Oqıǵa túnde boldy. 57 jolaýshyny tasymaldaǵan avtobýs jol jıegine aýyp ketti. Vengrıa premer-mınıstri Peter Madárdyń málimetinshe, 12 adam qaza taýyp, keminde 10 adam aýyr jaraqat aldy. Úkimet basshysy qaza bolǵandardyń otbasylaryna kóńil aıtyp, zardap shekkenderdiń tezirek saýyǵyp ketýin tiledi.
Júrgizýshi rúlde uıyqtap ketken bolýy múmkin degen boljam bar. Ol ustaldy. Avtobýsta 57 jolaýshy men eki júrgizýshi bolǵan. Bir adam ómirine qaýipti jaraqat alsa, toǵyz adam aýyr, taǵy 37 adam jeńil jaraqat aldy. Barlyq zardap shekkender aýrýhanaǵa jetkizildi.