Vengrıanyń Debresen qalasynyń turǵyny Gerge Borbeı álemdegi eń úlken energetıkalyq sýsyndar bankisiniń koleksıasyn jınap, Gınness rekordtar kitabyna resmı túrde endi, dep habarlaıdy infohub.kz saıty.
Gınness rekordtar kitabynyń saıtynda jazylǵandaı, Borbeıdiń bul qumarlyǵy 2008 jyly kezdeısoq bastalǵan. Stýdenttik jataqhanaǵa kóshken soń, ol ystyq jaz kúni HELL energetıginiń bir bankisin satyp alǵan. Birte-birte bos ydystar bólmede jınala bastaǵan, sóıtip stýdent ıntererdi bezendirý úshin ár túrden bir-bir danadan qaldyrýdy uıǵarǵan.
Japonıa men Eýropa elderine jasalǵan saparlar barysynda koleksıa 2000 biregeı bankige deıin ósken. Eń qundy jádigerlerdiń qatarynda — Iýgoslavıa kezindegi Guarana bankisi, shyny bótelkedegi japondyq Alien sýsyny, 1994 jylǵy Semtex bankisi jáne 1990 jyldardaǵy sırek kezdesetin Michael Jackson Mystery serıasy bar. Kolleksıoner úshin Japonıaǵa úılený sapary kezinde satyp alynǵan «Chelovek-benzopıla» anımesi beınelengen danalardyń orny bólek.
Qazirgi tańda jınaq Borbeıdiń úıiniń shatyr bólmesinde ornalasqan: 900-ge jýyq banki qıǵash tóbege japsyrǵyshtarmen bekitilgen, qalǵandary sórelerde tur. Koleksıanyń baǵasy 10 myńnan 35 myń eýroǵa deıin baǵalanady. Rekordty rásimdeýge Gergeniń qyzy shabyt bergen. Katalog, tizimdeme jáne fotosýretter daıyndaýǵa jubaıynyń qoldaýymen keshki ýaqytta birneshe júz saǵat jumys jumsalǵan. Bolashaqta rekord ıesi alǵashqy ınteraktıvti energetıkalyq sýsyndar murajaıyn ashýdy josparlap otyr.