Jýrnalıs Ksenıa Sobchaktyń burynǵy jubaıy, akter Maksım Vıtorgan Máskeýdegi eki páterin úlken qyzy Polınanyń atyna qaıta tirkedi. Bul turǵyn úıdiń jalpy quny shamamen 100 mln rúbl, ıaǵnı 538 mln teńgege jýyq dep baǵalanyp otyr, dep habarlaıdy infohub.kz saıty.
Telegram-daǵy Shot arnasynyń derekkózge silteme jasap habarlaýynsha, páterdiń biri Úlken Vlasevskı tuıyǵynda ornalasqan. Vıtorgan onyń ıesi atanǵan 1998 jyly edi. Turǵyn úıdiń aýdany 47 sharshy metr, qazirgi quny shamamen 47 mln rúbl dep baǵalanady.
Ekinshi páterdi akter 2018 jyly ákesi — KSRO halyq ártisi Emmanýıl Vıtorgannan alǵan. Bul — Krasnaıa Presná jaǵalaýyndaǵy aýdany 68 sharshy metr eki bólmeli páter, quny shamamen 55 mln rúbl dep esepteledi.
Shot dereginshe, Vıtorgan eki páterdi de 30 jastaǵy Polınanyń atyna bir kúnniń ishinde tirkegen.
2022 jyly soǵys bastalǵan soń akter Reseıden Izraılge ketti. Soǵan qaramastan Vıtorgan Máskeýge kelip turady. Qazir onyń «Kvartet I» teatrynda eki spektakli bar.
Onyń úlken qyzy Polına da Izraılde turady. 2024 jyly ol Tel-Avıvke túpkilikti kóship ketti. Qyz áleýmettik jelilerdi orys jáne ıvrıt tilderinde júrgizedi. Buǵan qosa Reseıde onyń shashtaraz qyzmeti salasyndaǵy jeke kásipkerligi qalyp otyr.
Sobchak pen Vıtorgan 2013–2019 jyldary nekede boldy. Olardyń Platon esimdi ortaq balasy bar, ol 2016 jyly qarashada dúnıege kelgen.
Buǵan deıin Kursiv LifeStyle jýrnalıs ári bloger Iýrı Dýdtiń múlkin Reseıde memleket paıdasyna alyp qoıý rásimi bastalǵanyn jazǵan edi. 2022 jyldan keıin ol Reseıden ketip, qazirgi rejımdi synaıdy. Shekteýler eń aldymen Dýdtiń Ońtústik Býtovodaǵy páterine qatysty qoldanyldy.