Máskeýdiń «Spartak» klýbynyń burynǵy fýtbolshysy Vladıslav Dýıýn uzaqqa sozylǵan aýrýdan keıin 49 jasynda qaıtys boldy, dep habarlady infohub.kz saıty.
Máskeýdiń «Spartak» klýby sapynda Reseı chempıony atanǵan Vladıslav Dýıýn 49 jasynda dúnıe saldy. Bul týraly onyń aǵasy Vladımır málimdedi. Vladımırdiń aıtýynsha, fýtbolshy bir jarym jyl boıy uıqy beziniń qaterli isigimen kúresken.
«Búgin tańerteń Vladıslav qaıtys boldy, ol uıqy beziniń obyryna shaldyqqan edi. Ol bir jarym jyldaı kúresti. Artynda 14, 16 jáne 18 jastaǵy úsh balasy qaldy. Baýyrym olardy ózi ósirdi, onyń áıeli 11 jyl buryn qaterli isikten kóz jumǵan», — dedi Vladımır Dýıýn.
Sondaı-aq ol jubaıy qaıtys bolǵan soń Vladıslavtyń bala tárbıesine kóńil bólgenin, biraz ýaqyt jastarmen jumys istegenin aıtty. «Vlad jaqsy jigit edi, áriptesteri ol týraly ylǵı jaqsy pikir aıtatyn. Bir kezderi jastarmen jumys istese de, áıeli ólgennen keıin balalaryna basyldy», — dep qosty sportshynyń aǵasy.
Vladıslav Dýıýn 1996–1997 jyldary «Spartak» sapynda oınap, Máskeý klýbymen Reseı chempıony atandy. Keıin ol Tómengi Novgorodtyń «Lokomotıvi», «Rostselmash», «Baltıka» jáne basqa komandalarda óner kórsetti.