2026 jyldyń sońyna deıin Aral teńizine 1,2 mıllıard tekshe metr sý jiberý josparlanýda. 2025 jyldyń qazan aıynan beri Syrdarıa ózeni arqyly 1,4 mıllıard tekshe metr sý kelip tústi, dep habarlaıdy infohub.kz.
Qazirgi ýaqytta Soltústik Araldaǵy sý kólemi 23,5 mıllıard tekshe metrdi quraıdy. Vegetasıalyq kezeńde teńizge sekýndyna 40 tekshe metr sý jiberiledi.
2030 jylǵa qaraı sý kólemin 34 mıllıard tekshe metrge jetkizý josparlanǵan. Bul úshin Qazaqstan men Dúnıejúzilik banktiń birlesken jobasynyń ekinshi kezeńi aıasynda Kókaral bógeti qaıta jańǵyrtylady.
Alaıda jergilikti balyqshylar sýdy tek jiberý jetkiliksiz deıdi. Sý resýrstary mınıstri Nurjan Nurjigitovpen kezdesýde olar keıbir fermerlerdiń sý alý lımıtinen asyp ketkenin atap, sýdy paıdalaný baqylaýyn kúsheıtýge shaqyrdy.
«Biz aýyl sharýashylyǵynda sýdy paıdalaný lımıtteri bekitilgenin bilemiz, biraq keıbir fermerlerdiń bul shekteýlerdi saqtamaıtyn jaǵdaılary baıqalady. Biz Syrdarıanyń tómengi aǵysynda ornalasqandyqtan, oblystaǵy balyq sharýashylyǵy úshin sharýalardyń sýdy únemdeýi mańyzdy», — dedi «Aral» servıstik-daıyndyq ortalyǵy» JSHS dırektory Ádilbek Aıymbetov.
Balyqshylar sonymen qatar Syrdarıaǵa sekýndyna 100 tekshe metrge deıin sý jiberý úshin shlúz salýdy usyndy.