1 qazannan bastap WhatsApp bıznes-akkaýnttarǵa qatysty erejelerin ózgertedi: kompanıalar WhatsApp Business Platform arqyly klıentterge jiberiletin habarlamalar úshin tólem jasaýǵa májbúr bolady. Qazaqstanda tarıf shamamen $0,018, ıaǵnı ár habarlama úshin 8 teńge bolady, dep habarlaıdy infohub.kz saıty.
Sonymen qatar árbir bıznes-nómirge aıyna 1 000 tegin habarlama beriledi. Osy shekten asqan soń kompanıalar odan ári jiberiletin habarlamalar úshin tóleı bastaıdy. Mysaly, kompanıa bir aıda 10 myń osyndaı habarlama jiberse, onyń 9 myńy úshin tólem jasaıdy. Bul shamamen $162, nemese 72 myń teńgege jýyq somany quraıdy.
Klıentter habarlamalar úshin tólem jasamaıdy. Ózgerister WhatsApp Business Platform men avtomatty taratylymdar, CRM, chat-bottar jáne basqa da servısterdi paıdalanatyn kásipkerlerge qatysty.
Bul Qazaqstan úshin ásirese ózekti. WhatsApp Business-ti bizde iri kompanıalar ǵana emes, shaǵyn kásipkerler, dúkender, sheberler jáne basqa da mamandar paıdalanady. Onyń ústine olardyń kóbi jappaı taratylymdardy belsendi qoldanady.
Buǵan deıin Kursiv LifeStyle WhatsApp toptyq chattarǵa iri jańartý usynǵanyn jazǵan bolatyn.