Úkimettegi brıfıńte Saýda jáne ıntegrasıa mınıstrliginiń basshysynan Wildberries marketpleısinde satyp alýǵa qatysty qazaqstandyqtarǵa usynys berýdi surady, dep habarlaıdy infohub.kz.
Mınıstr Arman Shaqqalıev: «Barlyq kásipkerlerge basty usynys — qazirgi jaǵdaıdy eskere otyryp, táýekelderdi baǵalaý. Munda túsiný kerek: qandaı da bir platformany nemese marketpleısti tańdaǵanda, baǵa men sapany, jetkizý jyldamdyǵyn salystyrý qajet. Sonymen qatar, men árqashan otandyq marketpleısterdi paıdalaný kerek deımin. (…) Satyp alýshylar, árıne, taýardyń qunyna qaraıdy. Biraq munda óte mańyzdysy — naryqtaǵy baǵadan aıtarlyqtaı tómen baǵa árqashan suraq týdyrady. Onyń nege baılanysty ekenin, qandaı saldary bolatynyn bilý kerek. (…) Sondyqtan meniń keńesim qarapaıym: senim uıalatatyn marketpleısterdi tańdańyz. Árıne, jaǵdaıdy taldańyz. Bárimiz saýatty tutynýshymyz, habardarmyz, sondyqtan sizge kepildik beretin taýardy qamtamasyz etetin platformany tańdaý kerek. Al siz tutynýshy retinde tutynýshylardyń quqyqtaryn qorǵaý týraly zańnamaǵa sáıkes kóbirek qorǵalǵansyz», — dedi.
Saýda mınıstrliginiń basshysy atap ótkendeı, Wildberries Qazaqstanǵa qoımalardy ornalastyrý týraly resmı ótinish jasamaǵan. «Resmı ótinishke kelsek, ol joq. Bizge áli kelip túsken joq. Túsken kezde qarastyramyz. Qazirgi jaǵdaıǵa kelsek, belgili bolǵandaı, shamamen 46 myń sharshy metr jaldamaly alań (Qazaqstanda — red.). Al Almatyda 160 myń sharshy metrde kompanıa qurylys jumystaryn júrgizip jatyr, Astanada — shamamen 100 myń sharshy metr. Biraq bul josparlar buryn jarıalanǵan bolatyn. Bul Wildberries kompanıasynyń jergilikti fılıalyn damytý josparlary», — dep qosty mınıstr.
Eske salaıyq, 18 shildege qaraǵan túni ýkraındyq drondar reseılik Wildberries marketpleısiniń eki iri logıstıkalyq ortalyǵyna — Tambov oblysy men Máskeý túbindegi nysandarǵa shabýyl jasady. Osydan keıin kompanıanyń Krasnodar jáne Stavropol ólkelerindegi, Sankt-Peterbýrgtegi, Lenıngrad oblysyndaǵy jáne Qyrymdaǵy nysandary da shabýylǵa ushyrady. Osy oqıǵalardan keıin QR Saýda mınıstrligi reseılik Wildberries marketpleısiniń qoıma keshenderin el aýmaǵyna kóshirý týraly qaýesetterge túsinikteme berdi.