Wildberries qoımalarǵa shabýyldan keıin zardap shekken satýshylarǵa alǵashqy tólemderin bastady. Bul týraly Wildberries negizin qalaýshy ári RWB birikken kompanıasynyń basshysy Tatána Kım jýrnalıserge málimdedi, dep habarlaıdy infohub.kz.
Onyń aıtýynsha, seriktesterge qarjylaı qoldaý kórsetý tetigi fors-majorlyq jaǵdaılarǵa qaramastan, shabýyldan keıingi alǵashqy kúnderden bastap ázirlengen.
Kım eń aldymen eń shaǵyn jáne eń osal kásipkerlerge tólemder jiberiletinin atap ótti. 88 myńnan astam satýshy alǵashqy tólemderin 22 shildede alady, al qarajat bir táýlik ishinde olardyń balansyna túsýi tıis.
RWB basshysy sondaı-aq tólemderdi esepteýdiń tolyq formýlasy satýshy portalynda jarıalanatynyn habarlady. Sonymen qatar, kompanıa orta jáne iri bıznes ókilderine arnalǵan satý sımýlátoryn ázirlep jatyr.
Kımniń aıtýynsha, Wildberries bolashaqta basqa nysandarda da osyndaı jaǵdaılar týyndaǵan kezde uqsas qarjylaı qoldaý tetigin qoldanýdy josparlap otyr.