World Business Consulting qarjy pıramıdasyn uıymdastyrýǵa kúdikti áıel Grýzıada ustalyp, Qazaqstanǵa ekstradısıalandy, dep habarlaıdy infohub.kz.
Qarjylyq monıtorıń agenttiginiń (QMA) elordalyq departamenti qarjy pıramıdasynyń qurylymdyq bólimshesin qurý jáne basqarý faktisi boıynsha tergeýdi aıaqtady. Tergeý derekteri boıynsha, 2020 jyly kúdikti azamattardyń aqshasyn ınvestısıalyq baǵdarlamalarǵa qatysý degen jeleýmen joǵary tabys ýáde etip tartqan. Al kompanıanyń qyzmeti lısenzıasyz bolǵan jáne is júzinde ınvestısıalyq operasıalardy júzege asyrmaǵan.
"Aqsha qarajaty qolma-qol túrde, býhgalterlik qujattarsyz tartylǵan. Zańdylyq kórinisin jasaý úshin salymshylarǵa onlaın-platformada jeke kabınetter ashylyp, onda jalǵan 'tabystylyq' kórsetilgen. Túsken aqsha qarjy pıramıdasy prınsıpi boıynsha qaıta bólingen — buryn tartylǵan qatysýshylarǵa tólemder jańa salymshylar esebinen júrgizilgen. Klıentter bazasyn keńeıtý úshin prezentasıalar men úgit-nasıhat is-sharalary, sondaı-aq Birikken Arab Ámirlikteri men Túrkıaǵa saparlar paıdalanylǵan", — dep málimdedi QMA-da.
Vedomstvoda bul sqemanyń bastapqy kezeńinde joly kesilgenin atap ótti. 2024 jyly kúdikti halyqaralyq izdeý jarıalanǵan, sot syrttaı oǵan qamaýǵa alý túrindegi bultartpaý sharasyn tańdaǵan. 2026 jyldyń qańtarynda ol Grýzıada ustalyp, Qazaqstanǵa ekstradısıalandy. Sot sheshimimen onyń jer telimine tyıym salyndy. Qylmystyq is sotqa jiberildi. Qylmystyq is júrgizý kodeksiniń 201-babyna sáıkes ózge aqparat jarıalanýǵa jatpaıdy.