24-27 shilde aralyǵynda Almaty WTT Youth Contender Almaty 2026 halyqaralyq reıtıńtik týrnırin ótkizedi. Tórt kún boıy ártúrli elderdiń jas sportshylary Dúnıejúzilik ústel tenısi federasıasynyń medaldary men reıtıńtik upaılary úshin kúresedi. Kórermender jarystarǵa tegin qatysa alady, dep habarlaıdy inbusiness.kz saıty.
"Almaty 24-27 shilde aralyǵynda ótetin WTT Youth Contender Almaty 2026 halyqaralyq týrnırin qabyldaýǵa daıyndalýda. Jarysqa álemniń ár túkpirinen kúshti jas tenısshiler qatysyp, medaldar men mańyzdy reıtıńtik upaılar úshin baq synaıdy", – dedi QR Ústel tenısi federasıasy.
24 shilde – jarystyń bastalý kúni. Bul kúni U13 jáne U17 sanatyndaǵy sportshylardyń toptyq kezeń kezdesýleri, sondaı-aq pleı-off kezeńiniń alǵashqy machtary ótedi.
25 shilde kórermenderdi U13 jáne U17 jas sanattaryndaǵy shırek fınal, jartylaı fınal jáne fınaldyq kezdesýler kútip tur. Sonymen qatar, U15 jáne U19 aralas razrádynyń sheshýshi oıyndary ótip, olardyń qorytyndysy boıynsha týrnırdiń alǵashqy jeńimpazdary anyqtalady.
26 shildede U11, U15 jáne U19 sanattaryndaǵy qatysýshylar arasynda jarystar bastalady. Dál osy kúni U15 jáne U19 jas sanattaryndaǵy aralas juptardyń fınaldary ótedi.
Qorytyndy oıyn kúni – 27 shilde eń qanyq kún bolady. Baǵdarlama pleı-off machtaryn, U11, U15 jáne U19 sanattaryndaǵy fınaldardy, sondaı-aq halyqaralyq týrnırdiń chempıondary men júldegerlerin saltanatty túrde marapattaý rásimin qamtıdy.
Jarystar Nurkent shaǵyn aýdany, 14B mekenjaıynda ornalasqan ADD Ustel Tennis Ortalygy sport kesheninde ótedi. Uıymdastyrýshylar barlyq sport áýesqoılaryn jas sportshylardy qoldaýǵa shaqyrady. Barlyq oıyn kúnderine kirý tegin.
Eske sala keteıik, QR Ústel tenısi federasıasyn Danıar Ábilǵazın basqarady.