Japonıanyń Hokkaıdo prefektýrasynda alyp pokeboll — pokemondardy ustaýǵa arnalǵan Pokémon álemindegi shar tárizdi erekshe qonaq bólmesi salynyp jatyr. Dóńgelek kapsýla tabıǵat qorshaýyndaǵy kól jaǵasynda ornalasady, al ishinde qonaqtardy pokemon stılindegi ınterer kútip tur, dep habarlaıdy infohub.kz saıty.
Sfera Tomakomaı qalasynda jınalyp jatyr. Onyń dıametri úsh metrdi quraıdy, al qurylymnyń ózi eki akrıl jartysferasy men ıilgen terezeden jasalady. Osyndaı sheshimniń arqasynda pokeboll qonaqtyń aldynda ashylyp jatqandaı áser qaldyrady.
İshke ıilgen jyljymaly esik arqyly kirýge bolady. Keńistiktiń barlyq derlik bóligin arnaıy jasalǵan dóńgelek matras alady. Jýynatyn bólmede Snorlaks — mýltserıal men oıyndarda únemi uıyqtaıtyn pokemonnyń túsindegi plıtka qoldanylady.
Qonaqtar sondaı-aq Pokémon keıipkerlerine arnalǵan ınterer jaryqtandyrý nusqalaryn tańdaı alady. Osylaısha joba avtorlary Hokkaıdonyń tabıǵatyn mýltserıal atmosferasymen ushtastyrmaqshy.
Jobany qonaqúı sáýletshileriniń toby uıqyny baqylaıtyn Pokémon Sleep qosymshasymen birlesip daıyndady. Ashylý qosymshanyń úsh jyldyǵy men franshızanyń 30 jyldyǵyna oraılastyrylady.
Aıta keteıik, alǵashqy kezeńde qarapaıym týrıser nómirdi brondaı almaıdy. Alyp pokeboll ishinde birinshi bolyp jobanyń bastalýyna oraı ótkiziletin arnaıy konkýrstyń jeńimpazdary toqtaı alady.
Buǵan deıin «Kýrsıv» Hyundai óz modelderiniń sıfrlyq kokpıtterine nostalgıa qosýdy sheshkenin jazǵan bolatyn. Ońtústik Koreıada brend aspaptar taqtasy men mýltımedıany Pokemon stılinde bezendirýdiń resmı taqyryptaryn iske qosty.