Qazaqstandaǵy Japonıa elshiligi vızaǵa qujat qabyldaý tártibin ózgertedi, dep habarlaıdy infohub.kz saıty.
23 qyrkúıekten bastap vıza alǵysy kelgender úshin elektrondy kezek iske qosylady. Talondar tek sol kúni beriledi, keıin paıdalaný múmkin bolmaıdy. Talondy saǵat 9:30-dan bastap alýǵa bolady, al qujattardy 2,5 saǵat ishinde, ıaǵnı saǵat 12:00-ge deıin tapsyrý qajet. Osylaısha, Astana turǵyndary kezekte kútip turǵanda kofe ishýge ýaqyt tabady.
Elshilikte naqtylaǵandaı, jańa júıe tek qujat tapsyrý úshin ǵana jumys isteıdi. Dıplomatıalyq ókildikke qabyldaýǵa nemese daıyn vıza alýǵa kelgender tiri kezekte turýǵa májbúr.
«Dúısenbi jáne juma kúnderi júktemeniń kóptigine baılanysty elshilikke aptanyń basqa jumys kúnderi kelýdi usynamyz», — dedi konsýldyq bólimde.
Talonsyz qujat tapsyrýǵa birneshe erekshe jaǵdaıda ruqsat etiledi: Japonıa úkimetiniń nemese memlekettik mekemeleriniń shaqyrýy boıynsha, medısınalyq vıza alý úshin, sondaı-aq verbaldi nota boıynsha.
Aıta keteıik, japon vızasyn rásimdeý jáne berý TMD azamattary úshin tegin. Ol úsh aıǵa jaramdy, rásimdeý bes jumys kúnin alady. Elshilik eskertedi: týrısik vızamen jumys isteýge tyıym salynady.
Buǵan deıin Kursiv LifeStyle Japonıadaǵy jańa týrısik atraksıon týraly jazǵan bolatyn: Tokıoda sýshıge arnalǵan naǵyz konveıeri bar eki qabatty avtobýs paıda bolady.