Áziret Sultan ulttyq tarıhı-mádenı mýzeı-qoryǵynyń Iasaýıtaný ǵylymı ortalyǵynyń mamandary Máskeýge ǵylymı ekspedısıa barysynda Iasaýı tarıqatynyń tarıhy men rýhanı ilimine arnalǵan, buryn az belgili XVII ǵasyrdaǵy qoljazbany tapty, dep habarlaıdy infohub.kz.
Tabylǵan qoljazba «Hýdjjat az-zakırın lı-radd al-mýnkırın» dep atalady, bul aýdarmada «Zikir etýshilerdiń ony teriske shyǵarýshylarǵa qarsy dáleli» degendi bildiredi. Týyndy Buharada jasalǵan jáne Iasaýı mektebiniń tarıhy boıynsha mańyzdy jazba derekkóz sanalady.
Qoljazbada sopylyq tárbıe prınsıpteri, jarıa zikir dástúri jáne rýhanı sabaqtastyq qarastyrylady. Qujatta Qoja Ahmet Iasaýı, Hakım ata, Záńgi ata jáne tarıqattyń keıingi ókilderine taraıtyn rýhanı tizbek týraly málimetter bar.
Qazirgi ýaqytta mamandar qoljazbanyń ǵylymı sıpattamasyn daıyndap jatyr. Odan keıin mátin týyndynyń buryn belgili tizimderimen salystyrylyp, tekstologıalyq taldaý júrgiziledi, al zertteý nátıjeleri ǵylymı aınalymǵa engiziledi.