97 jasynda álemge áıgili japon sýretshisi Iaóı Kýsama dúnıeden ótti. Ol álemdegi eń qymbat avangard sýretshileriniń biri bolyp sanalady, dep habarlaıdy infohub.kz saıty.
DW japondyq Kyodo basylymyna silteme jasap, Iaóı Kýsamanyń 14 tamyzda Tokıodaǵy aýrýhanada qaıtys bolǵanyn habarlady. Sýretshiniń Tokıodaǵy murajaıynyń málimetinshe, ólim sebebi — polıorgandyq jetkiliksizdik.
Iaóı Kýsama qazirgi zaman ónerindegi avangardtyń negizin qalaýshylardyń biri boldy. Onyń shyǵarmashylyǵy beıneleý ónerin, performansty, kórkem proza men poezıany qamtydy. Murajaı ókilderi: «Ol sońǵy kúnderine deıin sýret saldy jáne ómir boıy mahabbat álemdi qutqara alady dep nyq sendi», — dedi.
Iaóı Kýsama 1929 jyly 22 naýryzda Masýmoto qalasynda dúnıege keldi. Bala kezinen ony elester mazalady, olardyń bir bóligin ol ónerinde beıneledi. 1950 jyldardyń sońynda sýretshi Nú-Iorkke kóship, onda onyń alǵashqy kórmesi AQSH-ta úlken tabysqa jetti. Sýretshi Nú-Iork avangardynyń ortasyna endi.
1970 jyldardyń basynda Kýsama Japonıaǵa oraldy, al 1977 jyly óz erkimen Tokıodaǵy psıhıatrıalyq klınıkaǵa ornalasty.