Sabaqtyń taqyryby: Impúlstiń saqtalý zańy
Sabaqtyń maqsaty:
1) Bilimdilik maqsaty: Oqýshylardyń «Dene ımpúlsi. Impúlstiń saqtalý zańy» taraýy boıynsha alǵan bilimderin praktıkada qoldana bilý iskerlikteri men daǵdysyn qalyptastyrý. Ótken materıaldy qaıtalap, qorytyndylaý.
2) Damytýshylyq maqsaty: «Dene ımpúlsi. Impúlstiń saqtalý zańy» taqyryby boıynsha esep shyǵara bilýge, árbir oqýshynyń jeke basynyń beıimdiligin jáne eske saqtaý qabiletterin, ózgermeli sıtýasıa jaǵdaıynda shapshań baǵdarlaı bilýdi, ózisiniń nátıjesin qorytyndylap, jaýapkershilikpen qaraı bilý áreketin arttyrý, damytý.
3) Tárbıelilik maqsaty: Oqýshylardy uqyptylyqqa, óz betinshe izdenýge, alǵyrlyqqa, shapshańdyqqa, jınaqy bolýǵa tárbıeleý.
Sabaqtyń túri: aýyzsha jýrnal túrinde qaıtalaý, bilimin baqylaý.
Sabaqtyń ádisi: Suraq - jaýap, SKT, shyǵarmashylyqqa baýlý.
Sabaqtyń kórnekiligi: DK, úlestirme qaǵazdar, bilim anketasy, plakat,
Pán aralyq baılanys: matematıka, qazaq ádebıeti.

Sabaqtyń jospary:
1. Kirispe. Psıhologıalyq ahýal (Oqýshylar bir - birine sáttilik tileıdi)
2. 1 - bet «Oı qozǵaý»
Eske saqtaý qabiletin baıqaý, oıymyzdy saralaý kózdeledi.
(Ótken materıaldardy qaıtalaý)
3. 2 - bet «Oı tolǵaý»
Oılaý qabiletimizdi arttyrý, shapshańdyq, jınaqylyq kózdeledi (tapsyrmalar beriledi)
1 - tapsyrma «Formýlalar»
2 - tapsyrma «Esepter»
3 - tapsyrma «Test»
4. 3 - bet«Oı sergitý»
Oqýshylardyń sóıleý mádenıeti, til baılyqtaryn baıqaý kózdeledi.
(«Dene ımpúlsi. Impúlstiń saqtalý zańy» taqyrybyna maqal - mátelder aıtý, maǵynasyn ashý)
5. 4 - bet «Oı qorytý»
(Oqýshylardyń bilimderi tıanaqtalady, nátıjesi baǵalanady)
Sabaqtyń barysy: 1. Uıymdastyrý. (Sálemdesý, túgendeý, oqýshylardyń nazaryn sabaqqa aýdarý.)
Muǵalim: Sálemetsińder me, balalar! Sabaqta búgin kim joq, túgelmiz be?
Qurmetti oqýshylar! Bizdiń búgingi sabaǵymyz kúndegiden erekshe.
Óıtkeni, búgingi bizdiń sabaǵymyzǵa qonaqtar – apaıymyz qatysýda. Sondyqtan sizderden ózimizdiń alǵan bilimimizdi tıanaqty, naqty jaýap berýlerińizdi suraımyn. Sabyrlyqqa shaqyramyn.
Saspaı, oıymyzdy durys aıtyp, naqty jaýap berýge tyrysaıyq.
(Sabaqtyń taqyryby, maqsatymen, josparymen tanystyrý) Kánekı, bárińizge sáttilik tileımin. Qazir árqaısymyz bir - birimizge ystyq yqylasymyzdy bildireıikshi.
Psıhologıalyq ahýal (Oqýshylar bir - birine sáttilik tileıdi)

2. Úı tapsyrmasyn suraý
Sonymen jýrnalymyzdyń 1 - beti
1 - bet «Oı qozǵaý»
Eske saqtaý qabiletin baıqaý, oıymyzdy saralaý kózdeledi.
(Ótken materıaldardy qaıtalaý suraqtary)
1) Nútonnyń İ zańyn qalaı tujyrymdaımyz?
(Eger denege basqa deneler áreket etpese nemese olardyń áreketi teńgerilgen bolsa, onda dene ne tynyshtyqtaǵy kúıin saqtaıdy, ne túzý syzyqty birqalypty qozǵalysyn jalǵastyrady.)
2) Kúshtiń qandaı túrlerin bilesińder?
(Aýyrlyq kúshi, serpimdilik kúshi, úıkelis kúshi, tirektiń reaksıa kúshi.)
3) Nútonnyń İİ zańyn qalaı tujyrymdaımyz?
(Denede týyndaıtyn údeý oǵan áreket etýshi kúshke týra, al onyń massasyna keri proporsıonal.)
4) Nútonnyń İİİ zańyn qalaı tujyrymdaımyz?
(Áreket etýshi kúshke árqashan teń qarsy áreket etýshi kúsh bar bolady. Basqasha aıtqanda, denelerdi bir – birine áreket etýshi kúshteri modýli boıynsha ózara teń jáne baǵyttary qarama - qarsy)
5) Búkil álemdik tartylys zańy qalaı tujyrymdalady? (Eki dene bir – birine massalarynyń kóbeıtindisine týra proporsıonal, al araqashyqtyqtarynyń kvadratyna keri proporsıonal kúshpen tartylady).
6) Deneniń ózara áserlesý energıasy (Potensıaldyq)
7) Qozǵalystaǵy deneniń energıasy (Kınetıkalyq)
8 ) Deneniń salmaǵy dep… (Deneniń Jerge tartylý saldarynan onyń tirekke nemese aspaǵa áreket etetin kúshi )
9) Asqyn salmaq dep neni aıtamyz? (Tirektiń nemese aspanyń údemeli qozǵalysynan týyndaıtyn dene salmaǵynyń artýyn aıtamyz))
10) Salmaqsyzdyq degen ne? (Deneniń salmaǵy nólge teń bolatyn deneniń kúıi)
3. Jańa sabaq
Kelesi 2 - bet «Oı tolǵaý»
Oılaý qabiletimizdi arttyrýda, shapshańdyq, jınaqylyq kózdeledi
(tapsyrmalar beriledi) 1 - tapsyrma «Formýlalar»

Impúlstiń saqtalý zańy. júkteý