YouTube Premium Lite jazylymynyń jahandyq aýqymda keńeıtiletinin málimdedi. Endi jańa tarıf YouTube Premium qoljetimdi barlyq elderde, onyń ishinde Qazaqstanda da paıda bolady. Bul — premıým jazylymnyń qoljetimdi nusqasy, ol kóptegen beınerolıkterdi jáne podkasttardy jarnamasyz kórýge múmkindik beredi, alaıda fýnksıonaldyǵy jaǵynan standartty jazylymnan aıtarlyqtaı tómen, dep habarlaıdy infohub.kz.
Premium Lite tarıfine YouTube Music, sondaı-aq beınerolıkterdi qurylǵyǵa júktep alý jáne olardy fondyq rejımde oınatý múmkindigi kirmeıdi. Bul fýnksıalar úshin áli de kádimgi YouTube Premium qajet.
Sonymen qatar, Google eskertedi: jarnama servıstiń keıbir bólimderinde, mysaly, Shorts kórý kezinde, mýzykalyq kontent tyńdaý kezinde nemese YouTube taspasyn qaraý kezinde kezdesýi múmkin.
Ázirge kompanıa Premium Lite-tiń Qazaqstandaǵy qunyn jarıalaǵan joq. AQSH-ta jazylym aıyna $7,99 (shamamen 3,7 myń teńge) turady, alaıda Google basqa elderde baǵa aımaqtyq bolatynyn jáne amerıkandyq baǵadan tómen bolýy yqtımal ekenin atap ótti.
Jańa tarıftiń paıda bolǵanyn YouTube akkaýntyńyzdaǵy jazylymdar bóliminen tekserýge bolady. Kompanıa Premium Lite-ti YouTube Premium jumys isteıtin barlyq elderde jaqyn arada iske qosýdy ýáde etti.
Buǵan deıin Kursiv LifeStyle YouTube paıdalanýshylarǵa Shorts qysqa beınerolıkterinen bas tartýǵa ruqsat bergenin jazǵan bolatyn.