Japon kıbersportshysy Iýkı Kýrıhara 11 jasynda óz elinde ótken Azıa oıyndarynda jeńiske jetip, osy doda tarıhyndaǵy eń jas chempıon atandy, dep habarlaıdy infohub.kz saıty.
Kýrıhara «Puzzle» dısıplınasynda óner kórsetti. Jarys Puyo Puyo Champions vıdeooıyny boıynsha ótti.
Toptyq kezeńde japon oıynshysy tórt qarsylasynyń bárin, sonyń ishinde qazaqstandyq Aleksandr Pıvovarovty da jeńdi. Sodan keıin pleı-offta Kýrıhara Sıngapýr (5:0), Taıland (10:1) jáne Ońtústik Koreıa (10:2) qarsylastaryn kezek-kezek oısyrata jeńdi.
2015 jyly 18 maýsymda dúnıege kelgen japon oıynshysy Azıa oıyndary tarıhyndaǵy eń jas chempıon boldy. Buǵan deıingi rekord Hanchjoýda (2023 jyl) 13 jasynda jeńiske jetken qytaı skeıtbordshysy Sýı Chensıge tıesili edi.
Al Pıvovarov senbide shırek fınalǵa shyǵý úshin kúresti, biraq jeńilis tapty. Sondaı-aq Qazaqstannyń Pokemon UNITE quramasy da kúresti aıaqtady — bul MOBA (Multiplayer Online Battle Arena) janryndaǵy strategıalyq komandalyq oıyn. Azamat Kadyr, Sardar Erekenev jáne Rafa Berdaly topta sońǵy oryn alyp, pleı-offqa óte almady.