Qazaqstannyń áıelder arasyndaǵy jeke synda ekinshi raketkasy Iýlıa Pýtınseva Rýmynıanyń Iassy qalasynda ótken Áıelder tenıs qaýymdastyǵynyń (WTA) 250 týrnıriniń shırek fınalynda jeńilis tapty, dep habarlaıdy infohub.kz.
Álemdik reıtıńte 82-orynda turǵan ári toǵyzynshy nómirmen sebilgen sportshy mysyrlyq 97-raketka Maıar Sherıfpen kezdesti. Oıyn úsh setke sozylyp, Pýtınsevanyń 2:6, 6:3, 6:7 (5:7) esebimen jeńilýimen aıaqtaldy.
Tenısshiler kortta 3 saǵat 10 mınýt ótkizdi. Osy ýaqyt ishinde Iýlıa bir eıs jasady, bir qos qatelik jiberdi jáne toǵyz breık-poınttyń altaýyn paıdalandy. Osylaısha Pýtınseva týrnırdegi ónerin shırek fınalda aıaqtady.