Donald Tramp ákimshiligi sheteldik jýrnalıserge vıza berý erejelerin qataıtyp, olardyń áleýmettik jelidegi akkaýnttaryn tekserýdi engizýdi josparlap otyr, dep habarlaıdy infohub.kz saıty.
Bild basylymy The Daily Signal-ge silteme jasap habarlaǵandaı, vızaǵa ótinish berýshilerdiń keıbir sanattary, onyń ishinde sheteldik jýrnalıser, Instagram, Facebook jáne X-tegi profılderin jurtshylyqqa ashyq etýge mindetteledi. Ol úshin jabyq akkaýnttardy ashyqqa aýystyrý qajet bolady.
Bul josparlardyń resmı rastaýy ázirge joq. Degenmen, Aq úıdiń baspasóz hatshysy Kerolaın Levıtt X-te bul týraly jazba jarıalady, biraq tikeleı rastamady. AQSh Memlekettik departamenti de ázirge egjeı-tegjeıin ashpaıdy. Suranysqa jaýap retinde onyń ókili: «Másele ótinish berýshilerdiń AQSh zańnamasyna sáıkes vıza alý quqyǵyn dáleldeýi jáne eshkimniń Amerıka Qurama Shtattarynyń qaýipsizdigine qaýip tóndirmeýin qamtamasyz etý týraly bolyp otyr», — dedi.
Qazirdiń ózinde AQSh vızasynyń keıbir sanattaryna, mysaly, stýdenttik vızaǵa ótinish berýshiler ózderiniń onlaın-akkaýnttaryn ashýy kerek. Endi bul tájirıbe basqa sanattarǵa da taralýy múmkin.
Aıta keteıik, ótken aıda Tramp ákimshiligi sheteldik jýrnalıser men stýdentterdiń elde bolý merzimin shekteıtinin de jarıalady. Stýdenttik vızalar eń kóbi tórt jylǵa, al sheteldik jýrnalıserge arnalǵan vızalar eń kóbi 240 kúnge (uzartýǵa ótinish berý múmkindigimen) beriletin bolady. Týrıser úshin de jaqyn arada qatań erejeler engizilýi múmkin. AQSh úkimetiniń bıylǵy jyldyń basynda belgili bolǵan josparlaryna sáıkes, olar da áleýmettik jelilerdi paıdalanýy týraly aqparatty ashýǵa mindettelýi yqtımal.