Shyǵys Qazaqstan oblysynda bir jas jigit júrgizý kýáligin alý úmitimen barlyǵy 6,6 mln teńge aýdaryp, esh nátıjege qol jetkizbedi, dep habarlaıdy infohub.kz saıty.
Oblystyq polısıa departamentiniń baspasóz qyzmetiniń málimetinshe, Zaısanda turatyn 2005 jyly týǵan turǵyn polısıaǵa aryzdanyp, tanysynyń júrgizý kýáligin rásimdeımin degen syltaýmen 6 mıllıon teńgeden astam qarajatyn ıelenip alǵanyn habarlaǵan.
Jábirlenýshiniń aıtýynsha, bıylǵy aqpan aıynda ol Almaty oblysyndaǵy áskerı bólimderdiń birinde merzimdi áskerı qyzmetin ótep júrgen tanysymen qaıta baılanysqan. Hat almasý barysynda tanysy Almatydaǵy arnaıy HQKO-da jumys isteıtinin jáne júrgizý kýáligin rásimdeýge kómektese alatynyn aıtqan.
Ýádege senip, aryzdanýshy aldymen qujat alý úshin kelisilgen somany aýdarǵan. Keıin alaıaq ártúrli syltaýlarmen birneshe ret qosymsha aqsha aýdarýdy ótingen. Nátıjesinde jábirlenýshi 6,6 mıllıon teńgeden astam aqsha aýdarǵan, onyń bir bóligi belgisiz adamdardyń shottaryna jiberilgen. Osy fakti boıynsha sotqa deıingi tergeý júrip jatyr.