Qytaılyq elıtti jol talǵamaıtyn kóliktiń júrgizýshisi qorǵanys júıesi iske qosylyp, Qazaqstanda qalyp qoıdy. Osydan keıin Zeekr kompanıasy jańa sharalardy qolǵa aldy, dep habarlaıdy infohub.kz.
Ótken aptada Qytaıda shamamen 73,5 myń AQSh dollary turatyn Zeekr 9X ıesiniń basynan ótken oqıǵa keńinen talqylandy. Júrgizýshiniń aıtýynsha, onyń kóliginiń navıgasıa, júk salǵysh jáne janarmaı bagynyń elektrondy qaqpaǵy sıaqty keıbir fýnksıalary 30 saǵattan astam ýaqyt boıy buǵattalǵan. Buǵattaý júıesi 16 shildede Qazaqstanǵa kirgen kezde iske qosylǵan. Zeekr kompanıasy bul kezde kóliktiń shetelde bolýyna baılanysty ishki qorǵanys mehanızmi belsendirilgenin túsindirdi.
Keıinirek Carnewschina.com jýrnalynyń málimetinshe, Zeekr kompanıasy qosymshada qupıa sóz generatory fýnksıasyn engizdi. Bul fýnksıa paıdalanýshylarǵa shekaradan ótý saldarynan buǵattaý oryn alǵannan keıin ózderiniń buǵattan shyǵarý kodtaryn jasaýǵa múmkindik beredi. Sonymen qatar, aldaǵy OTA jańartýy aıasynda Zeekr qosymshaǵa buǵattaýdy óshirý qosqyshyn qosýdy ýáde etedi. Kompanıanyń habarlaýynsha, jańartý iske qosylǵannan keıin transshekaralyq buǵattaý ádepki boıynsha óshiriledi.