Ýkraına prezıdenti Vladımır Zelenskı Reseı prezıdenti Vladımır Pýtınniń eki el arasyndaǵy qaqtyǵysty retteý úshin kelissózder ótkizý jónindegi usynysyna jaýap berdi. Bul týraly ol óziniń barlyq resmı áleýmettik jelilerinde jazba jarıalady.
Zelenskı kelissózder týraly usynysty «jaqsy jańalyq» dep baǵalap, aldaǵy oqıǵalardan úmit kútetinin aıtty. Onyń aıtýynsha, bul sátti búkil álem uzaq kútti jáne kez kelgen soǵysty toqtatýdyń alǵashqy naqty qadamy — atysty toqtatý.
«Reseı erteń, 12 mamyrdan bastap atysty tolyq, uzaq merzimdi jáne senimdi túrde toqtatatynyn rastaıdy dep kútemiz. Ýkraına kezdesýge daıyn», – dep málimdedi Ýkraına kóshbasshysy.