Ýkraına prezıdenti Vladımır Zelenskı Reseıdiń Kıevke sońǵy kezdegi eń kúshti balıstıkalyq shabýyldardyń birin jasaǵanyn málimdedi, dep habarlaıdy infohub.kz saıty.
Ýkraına basshysy óziniń Telegram-arnasynda zardaptardyń sýretterin jarıalap: «Bul túnde Reseı Kıevke eń aýqymdy balıstıkalyq shabýyldardyń birin jasady. Qarsylas 40-tan astam túrli tıptegi zymyrandaryn, onyń ishinde kóbi astanaǵa baǵyttalǵan, sondaı-aq 120 soqqy dronyn paıdalandy», – dedi. Onyń aıtýynsha, bir adam qaza taýyp, taǵy 16 adam jaralanǵany belgili boldy.
Zelenskı sondaı-aq apta boıynsha derekterdi keltirdi: «Osy aptada Reseı Ýkraınaǵa qarsy shamamen 1450 soqqy dronyn, 1640-tan astam basqarylatyn avıasıalyq bombany jáne 99 túrli tıptegi zymyrandy qoldandy. Odessa jáne Zaporoje oblystarynda adamdar jaraqat aldy, Sýmy jáne Chernıgov oblystarynda qıratýlar tirkeldi. Sonymen qatar, osy aptada Reseı shabýyldary Vınnısa, Dnepropetrovsk, Donesk, Jıtomır, Kırovograd, Nıkolaev, Poltava, Harkov, Herson jáne Cherkas oblystaryna da baǵyttaldy».
Ýkraına prezıdenti balıstıkalyq zymyrandardan qorǵaný turaqty jáne basty basymdyq bolyp qala bergenin atap ótti.