Ýkraına prezıdenti Vladımır Zelenskı AQSh Reseı kóshbasshysyn «Jıyrmalyq» samıtine shaqyrsa, Maıamıge baryp, Reseı prezıdenti Vladımır Pýtınmen kezdesýge daıyn ekenin málimdedi, dep habarlaıdy infohub.kz saıty.
Deutsche Welle telearnasyna bergen suhbatynda Ýkraına kóshbasshysy AQSh prezıdenti Donald Tramptyń arnaıy ókilderi Stıv Ýıtkoff pen Djared Kýshnermen kezdeskenin aıtty. Olar soǵys bastalǵaly Kıevke alǵash ret keldi. Zelenskıdiń aıtýynsha, olarmen energetıka, astyq máseleleri jáne shıelenisti tómendetýdiń alǵashqy qadamdaryn talqylaǵan.
«Bálkim, bireýge "atysty toqtatý" degen sóz tirkesi unamaıtyn shyǵar. Maǵan onyń kimge unaıtyny nemese unamaıtyny mańyzdy emes: biz ómirdi súıemiz, biz beıbitshilikti qalaımyz. Sondyqtan da biz: jaraıdy, sizge "atysty toqtatý" degen sóz unamaı ma? Onda "bitim", "tynyshtyq rejımi" deıik — báribir. Bizdi qandaı da bir kelissózderge jeteleıtinniń bári jaraıdy. Sóıtip, energetıka men astyq — birinshi qadam. Mine, biz osyǵan qol jetkize alamyz», — dedi Ýkraına prezıdenti.
Jýrnalıserdiń 14–15 jeltoqsanda Maıamıde ótetin G20 samıtine AQSh Reseı prezıdenti Vladımır Pýtındi shaqyrsa ne bolatyny týraly suraǵyna Zelenskı Pýtınmen sóılesý úshin sol jerge baratynyn aıtty.
«Men baramyn. Bizge kezdesip, sóılesip, sheshim qabyldaý kerek. Sózde emes — men oǵan ne aıtamyn nemese ol maǵan ne aıtady, onyń mańyzy joq. Tek nátıje mańyzdy. Tek nátıje ǵana mańyzdy. Boldy», — dedi Ýkraına kóshbasshysy.