Ýkraına prezıdenti Vladımır Zelenskı AQSH-pen Patriot áýe qorǵanys júıelerine arnalǵan zymyrandardy aı saıyn jetkizý týraly kelisimge qol jetkizilgenin málimdedi. Bul týraly ol Serbıa prezıdenti Aleksandr Výchıchpen birlesken baspasóz máslıhatynda aıtty, dep habarlaıdy infohub.kz saıty.
Ýkraınalyq BAQ derekterine súıensek, Kıev pen Vashıngton Patriot úshin ustaǵysh zymyrandardy turaqty jetkizý máselesin kelise aldy. «Bul óte kúrdeli jumys. Bul máseleni qandaı baǵyttarda sheshýge bolady? Eń aldymen: kimde zymyranǵa qarsy zymyrandar men júıeler bar? Óndirýshide. Bul, eń aldymen, AQSh. Olar kómektese ala ma? Biz osynyń ústinde jumys istep jatyrmyz. Olar bizge aı saıyn zymyran bóle me? Iá, bizde kelisim bar», — dep keltiredi ýkraın kóshbasshysynyń sózin ÝNIAN basylymy.
Sonymen qatar Zelenskı jetkizý kólemi jetkiliksiz ekenin jáne bıylǵy jyly olardyń aldyńǵy kezeńdermen salystyrǵanda az ekenin atap ótti.
Buǵan deıin BAQ-ta AQSh prezıdenti Donald Tramp Vladımır Zelenskıge qosymsha ustaǵysh zymyrandar berýden bas tartyp, muny Amerıkanyń óz qoryn saqtaý qajettiligimen túsindirgeni týraly aqparat taraǵan edi.