Ýkraına prezıdenti Vladımır Zelenskı Qasym-Jomart Toqaevtyń Ýkraına táýelsizdiginiń 35 jyldyǵymen quttyqtaýyna jaýap berip, áleýmettik jelide qazaqstandyq kóshbasshynyń hatyn jarıalap, jyly sózderi úshin alǵys bildirdi... dep habarlaıdy infohub.kz saıty.
Ýkraına kóshbasshysy Qazaqstanǵa beıbitshilik tilep, Ýkraına Qazaqstanmen ózara qurmet, túsinistik jáne halyqtar arasyndaǵy kóne baılanystarǵa negizdelgen dostyq qarym-qatynastardy joǵary baǵalaıtynyn atap ótti. Ol sondaı-aq yntymaqtastyqty odan ári nyǵaıtý nıetin bildirdi.
Jaýap úndeýinde Zelenskı Toqaevqa tabys, al Qazaqstan halqyna beıbitshilik, amandyq jáne gúldený tiledi.
Aldyńǵy kúni Toqaev Zelenskıge Ýkraına táýelsizdiginiń 35 jyldyǵyna oraı quttyqtaý jedelhatyn joldaǵan bolatyn. Qazaqstan prezıdenti elderdi dástúrli dostyq pen ózara túsinistik baılanystyratynyn atap ótip, qarym-qatynastardy nyǵaıtýdy jalǵastyrýǵa daıyn ekenin rastady. Hatta: «Qazaqstan men Ýkraına dástúrli dostyq pen ózara túsinistikke negizdelgen ózara tıimdi qarym-qatynastardy qoldaıdy. Biz ózara qurmet rýhynda dostyq baılanystarymyzdy nyǵaıtý úshin odan ári kúsh salýǵa daıynbyz», — delingen.
Ýkraına Táýelsizdik kúnin 24 tamyzda atap ótedi. Bıyl el táýelsizdiginiń jarıalanǵanyna 35 jyl toldy.