Ýkraına prezıdenti Vladımır Zelenskı Qazaqstan prezıdenti Qasym-Jomart Toqaevqa Ýkraına táýelsizdiginiń 35 jyldyǵymen quttyqtaǵany úshin alǵys bildirdi, dep habarlaıdy infohub.kz saıty.
Zelenskı áleýmettik jelidegi X paraqshasynda jaýap joldaý jarıalap, eki el arasyndaǵy dostyq qarym-qatynastardyń mańyzdylyǵyn atap ótti. "Qurmetti Prezıdent Toqaev, jyly lebizderińiz úshin alǵysymdy bildiremin. Ýkraına Qazaqstanmen ózara qurmet, túsinistik jáne halyqtarymyz arasyndaǵy kóne baılanystarǵa negizdelgen dostyq qarym-qatynastardy joǵary baǵalaıdy. Biz yntymaqtastyǵymyzdy odan ári nyǵaıtýǵa bel býǵanbyz. Sizge zor tabystar, al dostyq Qazaqstan halqyna beıbitshilik, amandyq jáne gúldený tileımin", — dep jazdy ol.
Eske salaıyq, buǵan deıin Qasym-Jomart Toqaev Vladımır Zelenskıdi Ýkraına táýelsizdiginiń 35 jyldyǵymen quttyqtap, ýkraın halqyna beıbitshilik, amandyq jáne gúldený tilegen edi.