Sankt-Peterbýrgtiń «Zenıti» Reseı premer-lıgasynyń (RPL) jańa maýsymyn syrt alańda Toláttıdiń «Akronyn» 5:0 esebimen iri jeńispen bastady, dep habarlaıdy infohub.kz.
2026/27 maýsymynyń birinshi týry «SolıdarnostSamara Arena» stadıonynda ótti. Reseılik shabýylshy Aleksandr Sobolev dúbl jasady (7-shi jáne 18-shi mınýttar). Brazılıalyq oıynshylar da bir-bir goldan soqty: qorǵaýshy Gýstavo Mantýan (34-shi), jartylaı qorǵaýshy Djon Djon (78-shi) jáne shabýylshy Felıpe Aýgýsto (84-shi).
Qazaqstan quramasynyń qorǵaýshysy Nuraly Álip «Zenıt» ótinimine engenimen, alańǵa shyqpady. Ol buǵan deıin Reseı Sýperkýbogy oıynynda da oınamady, onda peterbýrgtikter penaltı serıasynda Máskeýdiń «Spartak» komandasyn jeńgen bolatyn.
«Zenıt» úsh upaımen RPL týrnırlik kestesin bastap tur. «Akron» ázirshe upaısyz.
Týrdyń basqa oıynynda Máskeýdiń «Dınamosy» óz alańynda Samaranyń «Krylá Sovetov» komandasymen 0:0 esebimen teń tústi. Jartylaı qorǵaýshy Baqtıar Zaınýtdınov astanalyq komandanyń ótinimine enbedi. «Dınamo» bas bapkeri Sandro Shvars Qazaqstan quramasy tarıhyndaǵy úzdik mergenniń áli de densaýlyǵynda aqaý bar ekenin aıtty.