Jambyl oblysynda áke kámeletke tolmaǵan ulynyń kózinshe araq ishkeni úshin jaýapkershilikke tartyldy, dep habarlaıdy infohub.kz.
Jambyl oblysy sottarynyń resmı Telegram-arnasynda jarıalanǵan aqparatqa sáıkes, kámeletke tolmaǵandardyń isteri jónindegi mamandandyrylǵan aýdanaralyq sot bala tárbıesi jónindegi mindetterdi oryndamaǵan (ÁQBtK-niń 127-babynyń 1-bóligi) er adamǵa qatysty ákimshilik isti qarady.
Merki aýdanynyń turǵyny úıinde kámeletke tolmaǵan ulynyń kózinshe аlkogóldik ishimdikter iship, oǵan teris yqpal etkeni anyqtaldy. Osyǵan baılanysty ákege qatysty hattama toltyrylyp, ákimshilik is qozǵaldy.
Er adamnyń kinási hattamamen, taraptardyń aıǵaqtarymen jáne istiń ózge de materıaldarymen rastalady. Ol kinásin tolyq moıyndady.
ÁQBtK-niń 127-babynyń 1-bóliginiń sanksıasy 10 AEK mólsherinde aıyppul kózdeıdi. Alaıda, kinásin moıyndaǵanyn, quqyq buzýshylyqty alǵash ret jasaǵanyn, oń minezdemesin jáne aýyrlatatyn mán-jaılardyń bolmaýyn eskere otyryp, sot aıyppul mólsherin 30%-ǵa tómendetti.
Sot qaýlysymen er adam ÁQBtK-niń 127-babynyń 1-bóligi boıynsha kináli dep tanylyp, oǵan 7 AEK mólsherinde, ıaǵnı 30 275 teńge aıyppul salyndy.
Qaýly ázirge zańdy kúshine engen joq.