Jambyl oblysynda mas kúıinde kólikke otyrǵan er adam BMW-men aǵashqa soǵylyp, 20 táýlikke qamaldy, dep habarlaıdy infohub.kz saıty.
Sarysý aýdandyq soty azamat F.-ǵa qatysty ákimshilik quqyqbuzýshylyq isin qarady. Ol mas kúıinde kólik júrgizip, avtokóliktiń zaqymdalýyna sebep bolǵan (ÁQBtK-niń 608-babynyń 3-bóligi).
2026 jyldyń shildesinde Sarysý aýdanynyń 29 jastaǵy turǵyny mas kúıinde BMW kóligine otyrǵan. Jańatas qalasynda kele jatyp, júrgizýshi rúlge ıe bola almaı, kólik aǵashqa soǵylǵan. Jol-kólik oqıǵasynda adamdar zardap shekken joq, alaıda kólikke mehanıkalyq zaqym kelgen.
Kinási taraptardyń aıǵaqtarymen, hattamamen jáne medısınalyq kýálandyrý qorytyndysymen dáleldengen. Sotta quqyqbuzýshy kinásin tolyq moıyndap, ókingen.
ÁQBtK-niń 608-babynyń 3-bóliginiń sanksıasy 20 táýlikke ákimshilik qamaqqa alýdy jáne 7 jylǵa kólik júrgizý quqyǵynan aıyrýdy kózdeıdi. Sot kináni moıyndaýdy jeńildetetin mán-jaı dep tanydy. Aýyrlatatyn mán-jaılar anyqtalǵan joq.
Sot qaýlysymen F. ÁQBtK-niń 608-babynyń 3-bóligi boıynsha kináli dep tanylyp, oǵan 20 táýlikke qamaq jazasy jáne 7 jylǵa kólik júrgizý quqyǵynan aıyrý taǵaıyndaldy. Qaýly zańdy kúshine endi.