Jambyl oblysynda júk poıyzy rels jolyna shyǵyp ketken 70 qoıdy qaǵyp ketti, mal ıesi ákimshilik jaýapkershilikke tartyldy, dep habarlaıdy infohub.kz saıty.
Oqıǵa «Juma-Tamdy» aralyǵynda bolǵan. Kóliktegi polısıa departamentiniń naqtylaýynsha, osy fakti boıynsha mal ıesine — Taraz qalasynyń 66 jastaǵy turǵynyna — temir joldyń qorǵaý alabynda mal jaıý erejelerin buzǵany úshin ákimshilik hattama toltyryldy.
Vedomstvo sondaı-aq statısıka keltirdi: aǵymdaǵy jyldyń basynan beri poıyzdardyń shuǵyl tejelýiniń 1 166 faktisi tirkelse, onyń 881-i úı janýarlarynyń temir jolǵa shyǵýyna baılanysty.
«Kólik polıseıleri úı janýarlarynyń ıelerin temir jol mańynda maldy baqylaýsyz jaıýǵa jol bermeýge jáne belgilengen erejelerdi qatań saqtaýǵa shaqyrady. Esińizde bolsyn: janýarlardyń qaýipsizdigi úshin jaýapkershilik eń aldymen olardyń ıelerine júkteledi. Maldyń temir jolǵa bir ret baqylaýsyz shyǵýy apatty jaǵdaıǵa, materıaldyq shyǵynǵa ákep soǵyp, adamdardyń ómiri men densaýlyǵyna qaýip tóndirýi múmkin», — dedi vedomstvoda.