Qazaqstan Respýblıkasy Syrtqy ister mınıstrliginiń jańa resmı ókili — Janbolat Ósenov. Dıplomattyń eldiń sheteldik mekemelerinde, onyń ishinde AQSh pen Ulybrıtanıadaǵy elshilikterde, sondaı-aq bıznes qurylymdarda baı tájirıbesi bar, dep habarlaıdy infohub.kz.
Janbolat Qaldybaıuly Ósenov 1983 jyly Túrkistan oblysynda dúnıege kelgen. 2004 jyly Máskeý memlekettik halyqaralyq qatynastar ınstıtýtynyń (MGIMO) saıasattaný fakúltetin bitirgen.
Dıplomatıalyq mansabyn Ósenov 2006 jyly Qazaqstan Syrtqy ister mınıstrliginde bastady. Alǵashynda Eýropa jáne Amerıka departamentinde attashe qyzmetin atqardy, bir jyldan keıin Qazaqstannyń Ulybrıtanıadaǵy elshiligine jiberildi.
2007-2011 jyldar aralyǵynda Ósenov Qazaqstannyń AQSH-taǵy elshiliginde úshinshi, ekinshi jáne birinshi hatshy qyzmetterin satylap atqardy.
Dıplomatıalyq jumystan keıin ol bıznes salasyna aýysty. 2011-2012 jyldary Ósenov «Shevron Mýnaıgaz Ink.» kompanıasynyń ınvestısıalyq jobalar úılestirýshisi boldy.
Keıin ol SİM-ge qaıta oraldy. 2012-2014 jyldary Ósenov vedomstvonyń resmı ókili jáne Qazaqstan Syrtqy ister mınıstrligi Halyqaralyq aqparat komıteti tóraǵasynyń orynbasary qyzmetterin atqardy.
Mansabynyń kelesi kezeńi qaıtadan «Shevron Mýnaıgaz Ink.»-pen baılanysty boldy. 2014-2017 jyldary ol kompanıanyń úkimetpen jáne qoǵammen baılanys jónindegi dırektorynyń orynbasary bolyp jumys istedi.
Sonymen qatar, 2015-2017 jyldary Ósenov Eýrazıalyq halyqaralyq qatynastar keńesin dırektor retinde basqardy.
2017-2022 jyldary ol Qazaqstannyń Ulybrıtanıadaǵy elshiliginde keńesshi-elshi qyzmetin atqardy. Odan keıin, 2022-2023 jyldary 24 KZ telearnasynda «Mır» baǵdarlamasynyń júrgizýshisi boldy.
Jańa taǵaıyndaýǵa deıin Ósenov «Vernyı Kapıtal» kompanıasynyń korporatıvtik komýnıkasıalar jónindegi basqarýshy dırektory bolyp jumys istedi.
Aıta keteıik, Ósenov aǵylshyn jáne fransýz tilderin meńgergen.