Jambyl oblysynda iri mal urlyǵy áshkerelendi: sharýa qojalyǵynyń ıesi 30 mln teńge turatyn 250 bas usaq maldan aıyryldy, al úsh kúdikti arnaıy jasaqtyń kúsh qoldaýymen ustaldy, dep habarlaıdy infohub.kz saıty.
NUR.KZ agenttiginiń oblystyq polısıa departamentine silteme jasap habarlaýynsha, Merki aýdanynda sharýa qojalyǵynyń ıesi maldy sanaý kezinde 250 bas usaq maldyń joǵalǵanyn baıqap, polısıaǵa júgingen.
Osy fakti boıynsha Qazaqstan Respýblıkasy Qylmystyq kodeksiniń «Aldyn ala sóz baılasý arqyly adamdar toby jasaǵan, asa iri mólsherdegi mal urlyǵy» baby boıynsha sotqa deıingi tergeý bastaldy.
Jedel-izdestirý is-sharalary barysynda polısıa qyzmetkerleri urlanǵan maldyń bir bóligin Turar Rysqulov aýdanynyń aýmaǵynan tapty. Maldy tanystyrý rásiminen keıin ol zańdy ıesine qaıtaryldy.
Tergeý barysynda urlyqqa sharýa qojalyǵynda jumys istegen malshynyń qatysy bolýy múmkin ekeni anyqtaldy. «Polısıa dereginshe, ol basqa adamdarmen aldyn ala sóz baılasyp, mal urlaýǵa qatysqan. Sondaı-aq urlanǵan maldyń bir bóligi keıin basqa adamdarǵa 800 myń teńgege satylǵany belgili boldy», — dedi Jambyl oblysy polısıa departamentinde.
Qylmystyq is boıynsha úsh kúdikti ustaldy. Sottyń sanksıasymen olar eki aıǵa qamaýǵa alyndy.
Qazirgi tańda qylmystyq istiń barlyq mán-jaıyn jan-jaqty, tolyq jáne obektıvti anyqtaýǵa baǵyttalǵan tergeý áreketteri jalǵasýda.