Jambyl oblysynda 62 jastaǵy er adam birneshe jyl boıy burynǵy azamattyq jubaıynyń úıine kelip, janjal shyǵaryp, kúsh qoldanǵan. Qorǵaý nusqamasyn buzǵany úshin sot ony 10 táýlikke ákimshilik qamaýǵa alý jazasyn taǵaıyndady, dep habarlaıdy infohub.kz saıty.
NUR.KZ agenttiginiń oblys prokýratýrasyna silteme jasap habarlaýynsha, aǵymdaǵy jyldyń basynan beri Jambyl aýdanynda bir mekenjaı boıynsha otbasylyq-turmystyq janjaldar týraly tórt ret habarlama túsken.
«62 jastaǵy er adam birneshe jyl boıy burynǵy azamattyq jubaıynyń turǵylyqty jerine birneshe ret kelip, janjal shyǵarǵany, otbasy múshelerine qorqytý jasaǵany jáne múgedektigi bar áıelge kúsh qoldanǵany anyqtaldy», — dedi oblys prokýratýrasynda.
Buǵan deıin er adam ákimshilik jaýapkershilikke tartylyp, oǵan qatysty qorǵaý nusqamasy shyǵarylǵan bolatyn. Osyǵan qaramastan ol onyń talaptaryn qaıta buzdy.
Prokýratýranyń jumysy nátıjesinde buzý faktisine quqyqtyq baǵa berildi. Aýdandyq sottyń 2026 jylǵy 4 tamyzdaǵy qaýlysymen er adam Qazaqstan Respýblıkasynyń Ákimshilik quqyq buzýshylyq týraly kodeksiniń 461-baby boıynsha kináli dep tanylyp, 10 táýlikke ákimshilik qamaýǵa alyndy.