Jambyl oblysynyń Moıynqum aýdanynda jergilikti turǵyn kámeletke tolmaǵan balasy jasaǵan quqyq buzýshylyq úshin ákimshilik jaýapkershilikke tartyldy. Jasóspirim mektepte bopsalaý jáne býllıngpen aınalysqan, dep habarlaıdy infohub.kz saıty.
2026 jyly mamyrda aýyl mektepteriniń birinde 9-synyp oqýshysy birneshe 8-synyp oqýshysyna qatysty býllıng jasap, olardan aqsha talap etken. Kináli qylmystyq nemese tolyq ákimshilik jaýapkershilikke tartylatyn jasqa tolmaǵandyqtan (býllıngti 12-16 jas aralyǵyndaǵy jasóspirim jasaǵan), hattama onyń anasyna qatysty jasaldy.
Sotta azamatsha J. kinásin tolyq moıyndap, istiń barlyq mán-jaıyn rastap, ulynyń tártibin baqylaýdy kúsheıtýge ýáde berdi. Sot áıeldi Ákimshilik quqyq buzýshylyq týraly kodekstiń 127-2-babynyń 3-bóligi boıynsha («Kámeletke tolmaǵannyń býllıng jasaýy») kináli dep tanyp, oǵan 43 myń teńge (10 AEK) mólsherinde aıyppul saldy.
Qaýly zańdy kúshine engen. Sot is boıynsha aýyrlatatyn nemese jeńildetetin mán-jaılardy anyqtaǵan joq.