Batys Eýropa — Batys Qytaı trassasynda Jambyl oblysynyń polısıa qyzmetkerleri jolda buzylyp qalǵan Ózbekstannan kelgen jas fýtbolshylarǵa kómekke keldi. Oqıǵa Jýaly aýdanyndaǵy Nurlykent aýylynyń mańyndaǵy 568-shaqyrymda bolǵan, dep habarlaıdy infohub.kz.
Kólikte Ózbekstannyń 42 azamaty — 37 bala jáne bes eresek jetekshi bolǵan. Komanda Qyrǵyzstandaǵy halyqaralyq fýtbol týrnırine qatysyp, úıine qaıtyp kele jatqanda buzylǵan.
Oqıǵa týraly habarlama boıynsha kelgen polıseıler dereý evakýasıany uıymdastyrdy. Balalardy kúnniń ystyǵynan qorǵaý úshin olardy jetekshilerimen birge Nurlykent aýylyndaǵy Mádenıet úıine jetkizdi. «Qonaqtarǵa ystyq tamaq uıymdastyrylyp, aýyz sý berilip, demalýǵa barlyq jaǵdaı jasaldy», — dep habarlady Polisia.kz.
Qosalqy avtobýs kelgennen keıin jas sportshylar otandaryna qaraı jolyn jalǵastyrdy. Polısıadaǵylardyń aıtýynsha, qyzmetkerlerdiń jyldam ári úılesimdi áreketiniń arqasynda jaǵdaı esh zardapsyz sheshilgen. Oqıǵa saldarynan eshbir bala zardap shekken joq.