Shý qalasynyń 46 jastaǵy turǵyny poıyzdyń astyna túsip qaldy. Qazir dárigerler onyń ómiri úshin kúresýde. Jábirlenýshige kóptegen synyqtar dıagnozy qoıyldy, dep habarlaıdy KTK telearnasynyń saıtyna silteme jasap infohub.kz.
Oqıǵa Shý qalasyndaǵy stansıa mańynda bolǵan. Kózáýshilerdiń aıtýynsha, 46 jastaǵy áıel joldy kesip ótip bara jatqanda, júk poıyzynyń bir bóligi ony qaǵyp ketken. Platforma poıyzdan bólek qozǵalǵan.
Oqıǵanyń mán-jaıyn polısıa qyzmetkerleri anyqtap jatyr.
Soqqy saldarynan jábirlenýshi kóptegen synyqtar jáne ishki aǵzalardyń jaraqattaryn alǵan. Qazirgi ýaqytta ol reanımasıada jatyr.
«Áli kúnge deıin shokqa qarsy terapıa júrgizilýde. Telefon arqyly neırohırýrgter, torakaldy hırýrgtermen telemedısına uıymdastyrylyp, emdeý kelisilgen. Qazirgi ýaqytta naýqas áli tasymaldaýǵa jaramsyz dep esepteledi», — dedi Shý kópbeıindi ortalyq aýdandyq aýrýhanasy bas dárigeriniń mindetin atqarýshy orynbasary Qaharman Safarov.