Qazaqstan áıelder kúresi quramasynyń kóshbasshysy Jámılá Bákirbergenova Býdapeshte (Majarstan) ótip jatqan halyqaralyq reıtıńtik týrnırde kúmis medal jeńip aldy, dep habarlaıdy infohub.kz saıty.
72 kelige deıingi salmaq dárejesindegi jarys aınalmaly júıe boıynsha ótkizildi, munda árbir kezdesý sheshýshi mańyzǵa ıe boldy. Qazaqstandyq sportshy týrnırdi senimdi bastap, qatarynan eki jeńiske jetti: aldymen qyrǵyzstandyq Qaıyrgúl Sharshebaevany, sodan keıin úndistandyq Dıksha Malıkti jeńdi.
Altyn medal taǵdyry sońǵy kezdesýde sheshildi. Polák sportshysy Vıktorıa Holýımen bolǵan kezdesý sheshýshi boldy, alaıda bul joly qarsylas basym tústi.
Aqparatty Qazaqstan Respýblıkasy Ulttyq Olımpıadalyq komıteti (QR UOK) usyndy.