BYD Han sedanynyń jańa býyny Qytaı joldarynda synaqtan ótip jatqanda alǵash ret kameraǵa tústi. Kólik Dragon Face fırmalyq aldyńǵy dızaınyn saqtap qalǵan, al tóbesinde lıdar paıda bolǵan, dep habarlaıdy infohub.kz saıty.
Qytaılyq derekkózder bul modeldi Han-nyń úshinshi býyny dep ataıdy. Tizbekte ol Han L men flagmandyq Da Han-nan tómen ornalasady. Jarıalanǵan sýretterde tanys Dragon Face aldyńǵy bóligi, artqy jaryq jolaǵy jáne ortalyq ekran men konsoldegi fızıkalyq túımeleri bar mınımalısik salon kórinedi.
Jańalyqtyń basty tehnıkalyq ereksheligi — tóbesine ornatylǵan lıdar. Onyń bolýy God’s Eye B dep te belgili DiPilot 300 júrgizýshige kómektesý júıesiniń qoldanylǵanyn kórsetýi múmkin.
Serıalyq nusqa qosymsha búıir lıdarlaryn ala ma, ázirge belgisiz. Sonymen qatar jańa Han-ǵa retteletin amortızatorlary men pnevmopodveskasy bar DiSus-C jáne DiSus-A belsendi aspalary boljanyp otyr.
Jańa Han elektr jáne qosylatyn gıbrıd nusqalarynda shyǵady dep kútilýde. Ekeýi de Blade Battery batareıasynyń ekinshi býynyn jáne Flash Charging últra jyldam qýattaý tehnologıasyn alýy múmkin.
Bastapqy baǵasy 200 myń ıýán, ıaǵnı shamamen 13,4 mln teńge deńgeıinde boljanyp otyr. Salystyrý úshin, qazirgi Han Qytaıda 169 myńnan 226 myń ıýánǵa deıin — shamamen 11,3–15,1 mln teńge turady.
Modeldiń jańarýy satylymnyń quldyraýy aıasynda júrip jatyr. 2026 jyldyń tamyzynda Qytaıda 2997 BYD Han satyldy, al jyl basynan beri modelge suranys aıtarlyqtaı tómendedi.
Jańa dızaın men keńeıtilgen tehnologıalar jıyntyǵy Han-nyń kelesi býynynyń negizgi ózgeristeri bolýy tıis. Sedannyń resmı tusaýkeser merzimi ázirge jarıalanǵan joq.
Buǵan deıin Kýrsıv Avto júris qory 1008 km bolatyn BYD Da Han sedany Qytaıda satyla bastaǵanyn habarlaǵan edi.