Taıland zertteýshileri buryn belgisiz bolǵan kesirtke túrin taýyp, oǵan Djordj Martınniń álemindegi eń tanymal aıdaharlardyń biriniń qurmetine at qoıdy. Jańa túr Acanthosaura syrax dep ataldy — «Drakon úıi» serıalynda Reınıra Targarıen mingen aıdahar Sıraks qurmetine. Bul týraly infohub.kz saıty habarlaıdy.
Jańa túr Taılandtyń batysyndaǵy Mae Vong ulttyq saıabaǵynyń bıik taýly máńgi jasyl ormandarynan tabyldy. Kesirtke taý aıdaharlary dep atalatyn topqa jatady — bular basynda, moınynda jáne arqasynda tikenekti qyrlary bar usaq agama kesirtkeleri.
Zertteý avtorlarynyń aıtýynsha, ataý tańdaý kezdeısoq bolmaǵan. Aıdahar Sıraks sıaqty, jańa kesirtke de sary-jasyl tústi, salystyrmaly túrde kishkentaı jáne jumyrtqa salýy ádetten tys kóp.
Ǵalymdar Acanthosaura syrax tek Taılandtyń bir aımaǵynda, teńiz deńgeıinen 1300 metrden astam bıiktikte kezdesetinin atap ótedi. DNQ taldaýy bul jaqyn týystarynan erekshelenetin jeke túr ekenin rastady.
Óte shekteýli taralý aımaǵyna baılanysty zertteýshiler jańa kesirtkeni osal túr dep sanaıdy. Olar erekshe ataý Taılandtyń bıik taýly ormandary men olardyń sırek kezdesetin turǵyndaryn saqtaýǵa nazar aýdarýǵa kómektesedi dep úmittenedi.
Buǵan deıin Kursiv LifeStyle qytaı ǵalymdarynyń ara-bal arasy balyǵynyń jańa túrin ashyp, oǵan BLACKPINK tobynyń ońtústikkoreıalyq ánshisi Djennıdiń (Jennie) qurmetine at qoıǵanyn jazǵan bolatyn.