Mańǵystaý oblysynda Jańaózenniń 34 jastaǵy turǵyny TikTok-ta tikeleı efırde balaǵat sózder qoldanǵany úshin ákimshilik jaýapkershilikke tartyldy, dep habarlaıdy infohub.kz.
Oqıǵa 2026 jyldyń 3 tamyzynda bolǵan. Er adam áleýmettik jelidegi óz paraqshasynda tikeleı efırde balaǵat sózderdi qoldanyp, aınalasyndaǵylarǵa qurmetsizdik tanytyp, qoǵamdyq tártipti buzǵan.
Kelesi kúni, 4 tamyzda, polısıa qyzmetkerleri quqyq buzýshyǵa qatysty Qazaqstan Respýblıkasy Ákimshilik quqyq buzýshylyq týraly kodeksiniń 434-babynyń 2-bóligine (usaq buzaqylyq) sáıkes ákimshilik hattama jasaǵan.
6 tamyzda Jańaózen qalalyq sotynyń qaýlysymen er adam kináli dep tanylyp, 15 táýlikke ákimshilik qamaqqa alyndy. Sot sheshimi shyqqannan keıin ol arnaıy qabyldaǵyshqa jetkizildi.
Mańǵystaý oblysy polısıa departamentinde áleýmettik jeliler zańnan tys keńistik emes ekenin eske saldy. «Balaǵat sózderdi kópshilik aldynda qoldaný, qorlaıtyn minez-qulyq jáne qoǵamdyq tártipti buzatyn ózge de áreketter Qazaqstan Respýblıkasynyń zańnamasynda kózdelgen jaýapkershilikke ákep soǵady. Azamattardy naqty ómirde de, ınternet-keńistikte de qoǵamdyq minez-qulyq normalaryn saqtaýǵa shaqyramyz», — dedi vedomstvoda.