Qazaqstan men Ózbekstan shekarasyndaǵy jańartylǵan «Jibek joly» keden beketi tamyzda ashylady, dep habarlaıdy infohub.kz.
Nysandy rekonstrýksıalaý byltyrǵy mamyrda bastaldy. Qazirgi ýaqytta ınjenerlik jelilerdiń qurylysy tolyq aıaqtalyp, syrtqy árleý jumystary júrip jatyr. Jańǵyrtýdan keıin keshenniń aýdany eki esege ulǵaıdy. Buryn ótkizý pýnkti táýligine 30 myń jolaýshyǵa qyzmet kórsete alsa, endi bul kórsetkish 70 myńǵa deıin jetedi.
Rekonstrýksıa quny 11 mıllıard teńgeden asty.
Jańartylǵan keshen iske qosylǵannan keıin Qazaqstan-Ózbekstan shekarasyn kesip ótý ýaqyty qysqarady dep kútilýde. Sonymen birge, bul ótkizý pýnkti tek jolaýshylar baǵytynda ǵana jumys isteıdi.
«Jibek joly» keden beketiniń basshysy Asqar Aınamqulovtyń aıtýynsha, «eki bólek ǵımarat salyndy, sonyń arqasynda kólik aǵyndary toǵyspaıdy. Barlyq prosester barynsha ońtaılandyrylady, al nysannyń ózi zamanaýı talaptar men halyqaralyq standarttarǵa saı bolady. İske qosylǵannan keıin ótkizý pýnkti kúnine 2 myń jeńil avtomobıl men 200 avtobýsqa qyzmet kórsete alady».