Qazaqstandyq boksshy Jánibek Álimhanuly Dúnıejúzilik boks uıymynyń (WBO) ekinshi orta salmaqtaǵy reıtıńinde birinshi orynǵa kóterildi, dep habarlaıdy infohub.kz saıty.
Buǵan deıin Álimhanuly bul reıtıńte ekinshi orynda turǵan edi. Sonymen qatar, WBO jaqynda qazaqstandyqty uıymnyń qazirgi chempıony brıtandyq Hamza Shırazǵa tıesili tıtýlǵa mindetti úmitker etip taǵaıyndady. Reıtıń jańarǵanǵa deıin meksıkalyq Saýl «Kanelo» Alvares kósh bastap turǵan, alaıda ol WBO tiziminen shyǵaryldy.
Alvarestiń kelesi jekpe-jegi 12 qyrkúıekte Er-Rıadta (Saýd Arabıasy) jeńilisi joq fransýz Krıstıan Mbıllıge qarsy ótedi. Bul jekpe-jekte Mbıllıge tıesili WBC ekinshi orta salmaqtaǵy belbeýi tigiletin bolady.
Eske salaıyq, buǵan deıin Álimhanuly orta salmaqta óner kórsetip, WBO jáne IBF chempıondyq belbeýlerine ıe bolǵan. 2025 jyldyń sońynda onyń WBA chempıony Erıslandı Laramen biriktirý jekpe-jegi qazaqstandyqtyń dopıng-synamasy oń nátıje bergendikten ótpeı qaldy. Keıin Álimhanuly IBF tıtýlynan aıyryldy, al WBO ony bir jylǵa dıskvalıfıkasıalap, chempıondyq belbeýin saqtap qaldy. Keıinirek uıym dıskvalıfıkasıany alyp tastady. Shildede Álimhanuly orta salmaqtaǵy WBO belbeýinen óz erkimen bas tartyp, ekinshi orta dıvızıonǵa aýysatynyn málimdedi.