Jarkenttiń táttige áýes qaıtalanǵan urysy bir aı ishinde dúkennen 600-den astam shokolad urlap, 530 myń teńgeden astam shyǵyn keltirgen, dep habarlaıdy infohub.kz.
Jetisý polısıasyna qaladaǵy saýda ortalyqtarynyń biriniń ókili «Rahat Qazaqstan» shokoladynyń únemi joǵalyp jatqany týraly aryzben júgingen. Beınebaqylaý kameralarynyń jazbalaryn zerdeleı kele, kúzet qyzmeti urlyqqa bir er adamnyń qatysy baryn anyqtaǵan.
Ury belgilengen sqema boıynsha áreket etken: dúkenge kelip, eshkim baıqamaıtynyna kóz jetkizip, shokoladty sómkesi men qaltasyna jasyryp, tólemeı ketip qalǵan. Birneshe mınýttan keıin qaıta oralyp, áreketin qaıtalaǵan. Keıbir kúnderi ol mundaı áreketti bes-alty ret qaıtalaǵan.
Osylaısha bir aı ishinde saýda ortalyǵynan 625 plıtka shokolad joǵalǵan. Jalpy shyǵyn somasy 530 myń teńgeden asqan.
«Panfılov aýdandyq polısıa bóliminiń qyzmetkerleri Jarkenttiń 41 jastaǵy turǵynyn anyqtap, bólimshege jetkizdi. Er adam kinásin tolyq moıyndady. Osy fakti boıynsha sotqa deıingi tergeý júrgizilýde. Oqıǵanyń barlyq mán-jaıy anyqtalýda», — dep habarlady Jetisý oblystyq polısıa departamentinde.
Buǵan deıin Kursiv LifeStyle «Qazaqstan» shokoladynyń qaptamasy jańa tyıymǵa baılanysty ózgeretinin jazǵan bolatyn. Eske salaıyq, Memlekettik týymyzdy komersıalyq jáne jarnamalyq maqsatta paıdalanýǵa tyıym salyndy, al turǵyn úılerde ony belgili bir buryshpen ornalastyrýǵa bolady.