Qazaqstandaǵy 11 avtozaýyt jasandy ıntellekttiń baqylaýyna kóshti. Júıe qaýipsizdik pen qurastyrý sapasyn qadaǵalap, tótenshe jaǵdaılardyń aldyn alady. Bul týraly ónerkásip jáne qurylys mınıstri Ersaıyn Naǵaspaev úkimettiń aptalyq otyrysynda málimdedi, dep habarlaıdy infohub.kz.
Mınıstrdiń aıtýynsha, elimizde jeńil kólik, avtobýs, júk jáne arnaıy tehnıka shyǵaratyn 11 kásiporyn bar. «Memleket basshysynyń tapsyrmasyna sáıkes, bul kásiporyndarda jasandy ıntellekt jáne sıfrlyq tehnologıalardy engizý jumystary júrgizilýde», – dedi Naǵaspaev.
Qazaqstanda óndiristerdegi qaýipsizdikti basqarýǵa arnalǵan jasandy ıntellekt negizindegi jaǵdaılyq ortalyq quryldy. Ol táýekelderdi, tótenshe jaǵdaılar men aýytqýlardy anyqtaýǵa jáne olardy joıý sharalaryn qabyldaýǵa múmkindik beredi. «Intellektýaldy platforma beınebaqylaý kameralarynan, sensorlardan jáne aqparattyq júıelerden kelip túsetin derekterdi taldaıdy», – dep qosty mınıstr.
Sonymen qatar, avtozaýyttarda dánekerleý jumystarynyń sapasyn baqylaıtyn analıtıkalyq júıeler qoldanyla bastady. Buǵan deıin Qazaqstannyń óz avtomobıl ónerkásibin qalaı damytyp jatqany habarlanǵan bolatyn.