2026 jyldyń kókteminde amerıkandyq áskerıler Taıaý Shyǵystaǵy qytaılyq júk kemesine qarsy operasıa bastaı jazdady. Sebebi — keme júgin Qytaıdyń ıadrolyq baǵdarlamasymen baılanystyrǵan qate barlaý esebi, dep habarlaıdy infohub.kz saıty.
NUR.KZ-tiń Bild-ge silteme jasap habarlaýynsha, operasıaǵa daıyndyqqa keme Qytaıdyń ıadrolyq baǵdarlamasyna arnalǵan quramdas bólikterdi tasymaldaıdy degen qujat túrtki bolǵan. Áskerıler kemeni basyp alýǵa daıyndalyp, amerıkandyq ushaqtar áýede bolǵan.
Kóp uzamaı aqparattyń jalǵan ekeni anyqtaldy. Gavaııdegi amerıkandyq arnaıy operasıalar qolbasshylyǵynyń bir taldaýshysy kemeniń júk manıfesin taldaý úshin chat-bot qoldanǵan. Jasandy ıntellekt ashyq derekterdi radıo- jáne ınternet-trafıkti ustaý kezinde alynǵan qupıa aqparatpen biriktirgen, biraq júkti durys anyqtamaǵan.
Sodan keıin taldaýshy qaıtadan JI kómegine júgingen — bul joly nátıjelerdi barlaý esebiniń standartty formatyna keltirý úshin. Qujat áskerı qurylymdardyń ishinde taratylyp, qate operasıa bastalǵansha derlik baıqalmaı qaldy.
Amerıkandyq Qorǵanys mınıstrligi naqty oqıǵany túsindirýden bas tartyp, operatıvtik qaýipsizdik máselelerine silteme jasady, biraq barlaý aqparaty muqıat tekseriletinin málimdedi.