Bul bastama «Ádilet» partıasynyń kadrlyq rezervin jasaqtap, elimizdiń jas kóshbasshylary men bilikti sarapshylaryn tárbıeleýdi kózdeıdi. Tusaýkeser rásimine qoǵamdyq uıymdardyń, sport klýbtarynyń ókilderi, jýrnalıser jáne Qazaqstannyń túkpir-túkpirinen kelgen belsendi jastar qatysty.

Jobanyń basty fılosofıasy: «Másele mende»

«Adal azamat» mektebiniń oqytý júıesi dástúrli qalyptan bólek. Munda qatysýshy jaı ǵana tárbıelenýshi emes, óz damýyn ózi basqaratyn tolyqqandy tulǵa retinde baǵalanady. Mektep jumysy mynadaı 4 negizgi tirekke súıenedi:

  • Merıtokratıa — qabilet pen eńbekke negizdelgen ádil irikteý.

  • Ashyq dıalog — kez kelgen máseleni erkin talqylaý múmkindigi.

  • Jeke jaýapkershilik — ár azamattyń óz isine beretin esebi.

  • Jasampaz patrıotızm — sózben emes, naqty ispen elge qyzmet etý.

Oqý baǵdarlamasy tegin. Eń bastysy — qatysýshynyń naqty tájirıbesi men elge qyzmet etýge degen shynaıy yntasy. Uıymǵa mindetti túrde múshe bolý talap etilmeıdi.

Joba avtorlarynyń pikiri

Asel Badenova, «Jańa adamdar» qozǵalysynyń negizin qalaýshy: «Qazirgi tańda Qazaqstanda úkimettik emes uıymdar men azamattyq bastamalardyń ókilderinen turatyn myqty jastar qaýymdastyǵy bar. Bizdiń mindetimiz – osy kúshti biriktirip, naqty reformalar jasaı alatyn kóshbasshylardy shyǵarý. «Adal azamat» mektebi dál osy «Ádilet» partıasynyń myqty kadrlyq rezervin daıyndaıtyn ortalyqqa aınalady».

Meırbolat Toıtov, «Dala Qyrandary» qozǵalysynyń úılestirýshisi: «Biz buǵan deıin «Ádilet» partıasynyń jastar qanatyn quratynymyzdy aıtqanbyz. Búgingi mekteptiń ashylýy – sol sózimizdiń naqty ispen dáleldenýi. Bizdiń kózdegenimiz — qoǵamǵa paıdaly, tártipti ári jaýapty jańa býyn kóshbasshylaryn tárbıelep shyǵarý».

Almatyda ótetin aýqymdy jıyn: Sen de qatys!

Jobanyń kelesi úlken qadamy tamyz aıynda Almaty qalasynda jalǵasady. «Jańa adamdar» qozǵalysynyń baspasóz hatshysy Alpamys Ábilov barsha belsendi qazaqstandyqtardy «Ádiletti Qazaqstan úshin» atty jastar Konventine shaqyrady.

«Eger siz azamattyq jobalardy qolǵa alyp, jaýapkershilikten qoryqpaı, Ádiletti Qazaqstandy birge qurýǵa daıyn bolsańyz, bul alań dál siz úshin!», — deıdi uıymdastyrýshylar.

Qatysýshylar úshin aqparat:

  • Tirkelý: Ashyq

  • Baılanys telefony: +7 707 070 40 50

  • Ótetin ýaqyty men orny: Naqty aqparat tirkeýden ótken qatysýshylarǵa qosymsha habarlanady.

Jańa Qazaqstannyń jańa kóshbasshysy bolý múmkindigin jiberip almańyz!