6 qyrkúıek keshke Qazaqstan aýmaǵynda jer silkinisi tirkeldi. Jer asty dúmpýlerin Shyǵys Qazaqstan oblysynyń turǵyndary sezindi, dep habarlaıdy infohub.kz saıty.
Qazaqstan Respýblıkasy Tótenshe jaǵdaılar mınıstrliginiń málimetinshe, jer silkinisi «UǴSOO» JSHS seısmıkalyq stansıalar jelisimen Astana ýaqytymen 23:08-de tirkelgen.
Epısentr Almatydan soltústik-shyǵysqa qaraı 875 shaqyrym jerde ornalasqan. Onyń koordınattary — soltústik endiktiń 49,167 gradýsy jáne shyǵys boılyqtyń 84,417 gradýsy.
Shyǵys Qazaqstan oblysynyń Úlken Naryn aýylyndaǵy jer asty dúmpýleriniń eseptik qarqyndylyǵy eki baldy qurady. Zardap shekkender men qıraǵan nysandar týraly aqparat túsken joq.
TJM qazaqstandyqtarǵa jer silkinisi kezindegi negizgi minez-qulyq erejelerin eske saldy:
Sabyrlyq saqtap, úreıge berilmeý.
Dúmpý kezinde lıft pen baspaldaqty paıdalanbaý.
Terezelerden, shamdardan jáne aýyr jıhazdardan alys turý.
Senimdi baspana tabý. Joǵarǵy qabattarda kúrdeli júk kótergish qabyrǵalardyń janyndaǵy buryshty tańdaý usynylady.
Dúmpý toqtaǵannan keıin ǵımarattan shyǵý.
Múmkindiginshe sýdy, gazdy jáne elektr qýatyn óshirý.
Aldyn ala daıyndalǵan dabyl chemodanyn alý.
Kóshede ǵımarattardan, aǵashtardan jáne elektr jelilerinen alys turý.
Qaıtalanatyn dúmpýlerge daıyn bolý.
Qart adamdarǵa jáne múmkindigi shekteýli jandarǵa kómektesý.