Qazaqstanda eń joǵary jalaqy usynatyn bos oryndar IT salasynda shoǵyrlanǵan, munda mamandar aıyna eki mıllıon teńgege deıin tabys taba alady. Bul týraly infohub.kz saıty habarlaıdy.
Eńbek jáne halyqty áleýmettik qorǵaý mınıstrliginiń dereginshe, jumys berýshiler kóbinese bilim berý, densaýlyq saqtaý jáne qurylys salalaryna qyzmetkerler izdeıdi. Sondaı-aq óndiris, kólik jáne logıstıka salalarynda da suranys joǵary. Al tabys deńgeıi kásipke, biliktilikke jáne jumys tájirıbesine tikeleı baılanysty.
Elektrondyq eńbek bırjasynda jalaqysy 300 myń teńgeden asatyn 11 myńnan astam bos oryn tirkelgen. Bilikti mamandar úshin odan da tartymdy jaǵdaılar qarastyrylǵan: IT salasynda – 2 mıllıon teńgege deıin, óndiriste – 1,7 mıllıonǵa deıin, qurylysta – 1,2 mıllıonǵa deıin, aýyl sharýashylyǵy men densaýlyq saqtaýda – 1 mıllıonǵa deıin, bilim berýde – 750 myń teńgege deıin.
Jumys izdeýshiler arasynda eń joǵary jalaqy úmiti ushqysh (2,39 mln teńge), stúardessa (1,43 mln teńge) jáne elektr stansıasynyń bastyǵy (shamamen 1,32 mln teńge) laýazymdaryna úmitkerlerde tirkelgen.
Buǵan deıin qazaqstandyqtar ózin kedeı sezinbeýi úshin aıyna 320 myń teńge qajet ekeni habarlanǵan bolatyn.